Page Nav

HIDE

Grid

GRID_STYLE

Classic Header

{fbt_classic_header}

Header Ads

سبيلك للنجاح في عالم الدوت نت 2016

في البداية الموضوع موجه لمطوري الدوت نت وبتوع مايكروسوفت وبالاخص الناس اللي شغالة ويب !! الويب في عالم مايكروسفت ( الدوت نت ) في تطور مست...

في البداية الموضوع موجه لمطوري الدوت نت وبتوع مايكروسوفت وبالاخص الناس اللي شغالة ويب !!
الويب في عالم مايكروسفت ( الدوت نت ) في تطور مستمر وبما اننا في 2016 فلازم تكون عارف لو انت ناوي تبدأ او لو بدأت بالفعل الاتجاه اللي ماشي في السوق لو قررت او عاوز تشتغل حاجه ليها
علاقة بــ الدوت نت .Net Developer


اولا حاول تنسي الــ Web Forms شوية يعني لما تعرف ان مفيش كتاب نزل بيتكلم عن التقنية دي من 2012 يبقي لازم تفكر 100 مرة قبل ما تدوس فيها وتضيع وقتك ف حاجه معظم الشركات حاليا مش شغالة بيها
يعني لازم تخلي بالك ان الاتجاه حاليا بقي للــ MVC ودا نوع من ال Design patterns اللي مشهووور اوي في مايكروسوفت وشغالين بيه وكل الشركات بتتجه للنظام دا وغالبا مفيش انترفيو هيقابلك الا ويكلمك عن الــ MVC
وخلي بالك احنا بنتكلم حاليا عن MVC 6 شوف بقي انت متأخر ازاي !! بس متقلقش بسيطة
طيب بما انك هتدرس MVC وهتطبق مشاريعك بالتقنية دي لازم تاخد معاها التوابل بتاعتها اللي بتتمثل في الداتا بيز ولازم هنا ننتقل لنقطة مهمة جدااا انك في اغلب الاوقات مش هتشتغل بطريقة افتح الSQL واعمل داتابيز وجداول وروح جوه الفيجوال ناديها واشتغل بقي SqlConnection و SqlCommand والجو دا … انسي يا عمرو
الدنيا دلوقت اتغيرت وبقي الاتجاه لحاجه اسمها Entity Framework ودي ببساطة شديدة بتحولك الجداول بتاعتك كلها لكلاسات يعني حياتك كلها هتبقي سي شارب وبس انسي جو السكول دا
كمان في مفهوم مهم جدا اسمه Code First ؟؟ ايه يعم دا كمان ؟؟
دا يا سيدي بيخليك بدل ما تعمل داتابيز من ال SQL Server زي الناس الطبيعين بيخليك تبنيها بالكود .. يعني تعمل كام Property كده في كلاس وهووب يحولهملك لجدول في الداتابيز .. لا سحر ولا شعودة
لحد هنا انت شغال MVC + Entity Framework
حط عليهم بقي شوية تحابيش وليكن ال Angular كمثال .. جافا سكربت مع MVC يديك احلي شغل
تقدر تشوف افضل الكورسات لداراسة الكلام اللي فوق دا لو انت مبتدأ في مقاله افضل كورسات تعلم البرمجة في اطار الدوت نت 2016

الفترة الجاية هننزل شروحات للمفاهيم دي وهنعمل مشروع برمجي مع بعض يربط الكلام دا كله ان شاء الله اهم حاجه لازم تواكب العصر وتمشي مع الجديد خليك MVC وخليك Entity المشوار صعب واصعب بكتير من الـ Web Forms بس الصعب له تمنه وله ثوابه والي تكمله قريبة في مواضيع برمجية كتيرة جاية ان شاء الله

ليست هناك تعليقات